SA BAWAT ARAW

August 9th, 2014 Comments off

Sa bawat araw na ginawa ng Diyos

Nabubuwisit ka sa
Trapik na sasalubong sa’yo.
Sa mga balitang puro
buladas ng mga pulitiko.
Sa mabagal na internet
at bakit antagal ng inorder
mong espresso.

Samantala sa ibang dako ng mundo

59 ka tao ang namamatay,
16,774 ang lumilikas sa kanilang tahanan
306 ang sugatan at 190 nito ay kabataan
323 ang nawawasak na mga kabahayan

sa patuloy at walang habas na
pag-atake ng Israel
sa Gaza

sa bawat araw na ginawa ng Diyos.

———–
08.09.2014
Matina DC

Categories: Other Stories, World View Tags:

Status Message

August 1st, 2014 Comments off

May nagtanong, bakit daw parating
laman ng aking Peysbuk ang Gaza?

Dahil ito lang ang kaya kong gawin para
ipaalala sa mundo na sa Gaza walang habas
na inuubos ng Israel ang mga walang muwang
na musmos at kanilang pamilya.

Oo gagawin ko ito ng paulit-ulit, upang
ipabatid na habang kaya nating
pumikit at matulog ng mahimbing,
ang mga bata sa Gaza ay
pinapatay na dilat ang mata.

Patuloy kong ikakampanya ang Gaza
hanggang bumalik ang katinuan
at pagkatao ng sangkatauhan,
hanggang maubusan ng bomba’t
dahilan ang Israel,
hanggang wala nang batang
ililibing sa hukay na
sadyang pinalalim,
para hindi makita
ang ating hiya,

dahil wala tayong ginawa.

———–
08.01.2014
Cotabato City

Categories: Family and Me Tags:

Kahit sa Panalangin

July 25th, 2014 Comments off

Kahit sa Panalangin
(Matapos pakinggan ang kanta ni Yusuf Islam/Cat Stevens na The Little Ones)

Sa pagtulog mo ngayong gabi.

kahit sa panalangin
ipagdasal mo ang mga inosenteng
musmos sa Gaza,
sa madilim na gabi
nanginginig sa takot,
impit ang hikbi.

Nawa’y hindi sila masaktan
nawa’y manatili silang ligtas
nawa’y hawak ng maliliit nilang
kamay ang kanilang
mga laruan.

Ipikit ang iyong mata,
abutin mo sila,
at yakapin o itago sa ilalim
ng iyong kama kung yun
lang ang maari
mong gawin

kahit sa panalangin.

kahit man lang sa panalangin.

Davao City
25.07.14

Categories: Other Stories Tags:

The Little Ones

July 25th, 2014 Comments off

The Little Ones
(Yusuf Islam – Cat Stevens)

Oh they killed all the little ones
While their faces still smiled
With their guns and the fury
They erased their young lives.

No longer to laugh
No longer to be a child
Oh they’ve killed all the little ones
While their faces still smiled.

Now they’re burying the little ones
And they’re making the graves deep
So the world cannot see
That tonight we may sleep.

While they wash away the blood
The mothers all weep
Oh they’re burying the little ones
And they’re making the graves deep.
Oh they’re burying the little ones
And they’re making the graves deep.

Yet where will the devils go
When that day comes
When the angels drag them out
To face the little ones.

Oh they’ve killed all the little ones
With their eyes open wide
There was nothing to help them
On the day that they died.

No bed to run under
No cupboard to hide
Oh they’ve killed all the little ones
With their eyes open wide.

They’ll be raising the little ones
With no sin to atone
In the light of high heaven
They will sit on tall throne.

Where playtime lasts forever
And God’s mercy never ends.

They’ll be raising the little ones
And they’ll all be best friends.
They’ll be raising the little ones
And they’ll all be best friends.

Categories: Life's Soundtrack Tags:

Parang OFW

April 27th, 2014 Comments off

Para rin tayong OFW
Nagtatrabaho malayo sa pamilya
sa lugar na balot ng pangamba.
Nagsusumikap sa bawat araw.
Naninirahan sa inuupahang bahay.
Nagluluto ng sariling ulam.
Oo, para nga tayong OFW
Kumakayod para may maipadala sa pamilya.

Cotabato City 4.27.2014

Categories: Family and Me, Other Stories Tags:

Para na sa tabi

March 4th, 2014 Comments off

Gigising ng maaga, hihigop ng mainit na kape at maghahanda ng almusal, bahaw, itlog at tuyo, gagamitin ang isang pirasong tineykhome na sachet ng ketchup ng McDo. Pagkatapos mag-almusal at maghugas ng plato ay maliligo na, may konti pang natira sa sabong pampaligo at pipigain ang natitirang katas ng sachet ng Palmolive shampoo. Mayamaya’y hahanapin sa aparador ang damit na hindi plantsado pero hindi naman gaano gusot, puwede na. Sa isang sulok nama’y tatambad ang gabundok na naka-ipong labahan na nangagarap ring malabhan. Lalabas na’t mag-aabang ng dyip, at habang lulan na patungo sa trabaho ay iisipin ang pamilyang nasa malayo: kumusta kaya sila ngayon, nakapag-almusal na kaya sila? Ang bunso ko nakahanda na kaya sa pagpasok sa eskwela? Malapit na. Mama bayad o.

Cotabato City 3.4.2014

Categories: Family and Me Tags:

EDSA

February 25th, 2014 Comments off

Dalawampu’t walong taon noon
Nakakulumpon ang Pangkat
at nagmomonitor.
Sabi ng Radyo Bandido,
Lumikas na ang Apo sa palasyo.
Ayun sumibat na, mga kasama
Tapos na ba, pano na ngayon?
Nagkatinginan, kunot ang mga noo
walang makakibo.
Tahimik ang sentro.
Tahimik ang sentro.

Cotabato City 2.25.2014

Categories: Philippines for Dummies Tags: