Archive

Archive for the ‘Other Stories’ Category

SA BAWAT ARAW

August 9th, 2014 Comments off

Sa bawat araw na ginawa ng Diyos

Nabubuwisit ka sa
Trapik na sasalubong sa’yo.
Sa mga balitang puro
buladas ng mga pulitiko.
Sa mabagal na internet
at bakit antagal ng inorder
mong espresso.

Samantala sa ibang dako ng mundo

59 ka tao ang namamatay,
16,774 ang lumilikas sa kanilang tahanan
306 ang sugatan at 190 nito ay kabataan
323 ang nawawasak na mga kabahayan

sa patuloy at walang habas na
pag-atake ng Israel
sa Gaza

sa bawat araw na ginawa ng Diyos.

———–
08.09.2014
Matina DC

Categories: Other Stories, World View Tags:

Kahit sa Panalangin

July 25th, 2014 Comments off

Kahit sa Panalangin
(Matapos pakinggan ang kanta ni Yusuf Islam/Cat Stevens na The Little Ones)

Sa pagtulog mo ngayong gabi.

kahit sa panalangin
ipagdasal mo ang mga inosenteng
musmos sa Gaza,
sa madilim na gabi
nanginginig sa takot,
impit ang hikbi.

Nawa’y hindi sila masaktan
nawa’y manatili silang ligtas
nawa’y hawak ng maliliit nilang
kamay ang kanilang
mga laruan.

Ipikit ang iyong mata,
abutin mo sila,
at yakapin o itago sa ilalim
ng iyong kama kung yun
lang ang maari
mong gawin

kahit sa panalangin.

kahit man lang sa panalangin.

Davao City
25.07.14

Categories: Other Stories Tags:

Parang OFW

April 27th, 2014 Comments off

Para rin tayong OFW
Nagtatrabaho malayo sa pamilya
sa lugar na balot ng pangamba.
Nagsusumikap sa bawat araw.
Naninirahan sa inuupahang bahay.
Nagluluto ng sariling ulam.
Oo, para nga tayong OFW
Kumakayod para may maipadala sa pamilya.

Cotabato City 4.27.2014

Categories: Family and Me, Other Stories Tags:

Batong bato

February 1st, 2014 Comments off

Batiin ang Sabado ng umaga
ng malamyang pagbangon.
Kaaya-ayang bagal,
sagadsad ang hakbang ng oras
sa malamyos na galaw ng araw.

Davao City 2.1.2014

Categories: Other Stories Tags:

Ulan

January 14th, 2014 Comments off

Sa panahon ngayon mali nang gamitin sa romantikong pagsasalarawan ang ulan. Hindi ka na magtatampisaw sa saya o mapapasayaw sa ulan, kundi mababaliw ka na sa baha at dulot nitong pinsala, isama mo na pati mga labahang nananatiling basa.

Davao City 1.14.2014

Categories: Other Stories Tags:

Karaniwang tao

January 12th, 2014 Comments off

Tinatapos ang weekend sa pamamagitan ng pagpunta sa mall para manuod ng sine, at pagkatapos ay kakain sa Chowking. Konting ikot para busugin ang mga mata at magpantasya sa mga nakadisplay na magagarang paninda, mayapa’y tataya din ng lotto. Pasyal ng mga ordinaryong mortal, salat man sa karangyaan pero walang kapantay ang kasiyahan lalot na’t mahal sa buhay ang kasama. Gabi na, uuwi na para sa kailangang pahinga dahil bukas, banat buto uli.

Davao City 1.12.2014

Categories: Family and Me, Other Stories Tags:

Hintay

August 13th, 2013 Comments off

Ang hirap magbilang ng mga araw na walang kasiguruhan.
Ang magtiis sa mga puwang ng kawalan ng ngayon at bukas.
Kapag delayed ang sahod at paubos na ang bigas.

– Cotabato City, August 8, 2013

Categories: Family and Me, Other Stories Tags: